ჩინეთის საგარეო უწყება - ჩინეთი უნდა იყოს და აუცილებლად იქნება ერთიანი, მზად ვართ მივიღოთ მაქსიმალური ზომები ტაივანთან მშვიდობიანი გაერთიანებისთვის
მიუხედავად აშშ-ს განცხადებებისა, ჩინეთის ხელისუფლება ნებისმიერ ფასად აპირებს კონტინენტური ჩინეთისა და ტაივანის ერთიანობა უზრუნველყოს. ამის შესახებ ჩინეთის საგარეო საქმეთა სამინისტროს პრესსპიკერმა ჩჟაო ლიცზიანმა განაცხადა.
"ტაივანის პრობლემა ჩვენი ქვეყნის საშინაო პოლიტიკის ნომერ პირველი საკითხია. ჩინეთი უნდა იყოს და აუცილებლად იქნება ერთიანი, ჩვენ მზად ვართ მივიღოთ მაქსიმალური ზომები ტაივანთან მშვიდობიანი გაერთიანებისთვის", - განაცხადა მან.
ჩინეთის საგარეო უწყების წარმომადგენელმა ასევე გაიმეორა, ჩინეთის სახალხო განმათავისუფლებელი არმიის მტკიცე პოზიცია ჩინეთის საშინაო საქმეებში ვაშინგტონის ჩარევის დაუშვებლობის შესახებ და ხაზგასმით აღნიშნა, რომ ჩინეთის ხელისუფლება აპირებს მკაცრად აღკვეთოს ტაივანელი სეპარატისტების კონტინენტური ჩინეთიდან განცალკევების მცდელობები.
„ტაივანის საკითხთან დაკავშირებით აშშ-მ უნდა დაიცვას „ერთი ჩინეთის“ პრინციპი. შეერთებული შტატები ვალდებულია შეწყვიტოს ოფიციალური კონტაქტები ტაივანთან და უარი თქვას მათთან ერთობლივი სამხედრო წვრთნების ჩატარებაზე, ასევე შეწყვიტოს იარაღის მიყიდვა ტაიპეისთვის“, - აღნიშნა ლიცზიანმა.
ცნობისთვის, ამერიკელი სენატორები ტაივანს გუშინ ეწვივნენ, რის შემდეგაც კუნძულთან ახლოს ოფიციალურმა პეკინმა სამხედრო წვრთნები ჩაატარა.
v-if="article.gallery" v-html="article.gallery"
