კახა კალაძე - მმართველ პარტიას საზოგადოების მხრიდან ძალიან დიდი მხარდაჭერა აქვს, რაც ყოველდღიურ ცხოვრებაშიც ჩანს, რადგან ჩვენ ვართ პარტია, რომელიც ზრუნავს ქართველ ხალხზე
მმართველ პარტიას აქვს საზოგადოების მხრიდან ძალიან დიდი მხარდაჭერა, ეს ყოველდღიურ ცხოვრებაშიც ჩანს იმიტომ, რომ ჩვენ ვართ პარტია, რომელიც ზრუნავს ქართველ ხალხზე, - ამის შესახებ დედაქალაქის მერმა, კახა კალაძემ IRI-ის კვლევის შედეგებზე საუბრისას განაცხადა.
მისი თქმით, შეიძლება „ქართულმა ოცნებამ“ რაღაც შეცდომები დაუშვა, რაღაცის გაკეთება დააგვიანა, მაგრამ ქართველ ხალხს არასდროს დაჩაგრავს და შეურაცხყოფა არ მიუყენებია.
„ჩემი ყველაზე კარგი და მნიშვნელოვანი საზომი საზოგადოების მხარდაჭერისა არის მათთან ურთიერთობა. მე არასდროს კავშირი არ გამიწყვეტია საზოგადოებასთან, ყოველდღიური ურთიერთობა მაქვს და რა თქმა უნდა, ეს განწყობა და დამოკიდებულება საზოგადოების მხრიდან, ჩემთვის არის ძალიან მნიშვნელოვანი. მე ძალიან ვაფასებ და ვუფრთხილდები ამ ურთიერთობებს და ყველაფერს გავაკეთებ მომავალში იმისთვის, რომ ჩვენი ქალაქი იყოს კიდევ უფრო მოწესრიგებული, კიდევ უფრო ლამაზი, კიდევ უფრო მწვანე და ამ ქალაქში მცხოვრებ ადამიანებს ჰქონდეთ კომფორტულად ცხოვრების საშუალება.
მმართველ პარტიას აქვს საზოგადოების მხრიდან ძალიან დიდი მხარდაჭერა, ეს ყოველდღიურ ცხოვრებაშიც ჩანს იმიტომ, რომ ჩვენ ვართ პარტია, რომელიც ზრუნავს ქართველ ხალხზე. შეიძლება რაღაც შეცდომები ჩვენც გვაქვს, რაღაცის გაკეთება დავაგვიანეთ, მაგრამ ჩვენ არასდროს შეურაცხყოფა არ მიგვიყენებია ქართველი ხალხისთვის, ჩვენ არასდროს არ დაგვიჩაგრავს ჩვენი ქვეყნის მოქალაქე. არასდროს არ წაგვირთმევია, გახსოვთ წლების განმავლობაში რა ხდებოდა ბიზნესთან მიმართებაში რა დამოკიდებულება იყო და რა ხდებოდა ციხეებში პატიმრების მიმართ. ეს ყველაფერი საზოგადოებას ახსოვს. ეს ყველაფერი რეალურად ხდებოდა სამწუხაროდ და არასდროს საქართველოში არ დაბრუნდება ისეთი წლები, როდესაც ხელისუფლება ასეთ რაღაცებს გაუბედავს ჩვენი ქვეყნის მოქალაქეებს“, - განაცხადა კახა კალაძემ.
v-if="article.gallery" v-html="article.gallery"
