სამსახურებრივი საჭიროებიდან გამომდინარე, პოლიციელის ტერიტორიულად ერთი ადგილიდან სხვა ადგილზე გადაყვანა შესაძლებელი იქნება, რაც პირის თანხმობით ან თანხმობის გარეშე შეიძლება მოხდეს

სამსახურებრივი საჭიროებიდან გამომდინარე, შინაგან საქმეთა მინისტრის ან საამისოდ უფლებამოსილი პირის გადაწყვეტილებით, პოლიციელის ტერიტორიულად ერთი ადგილიდან სხვა ადგილზე გადაყვანა იქნება შესაძლებელი, რაც პოლიციელის თანხმობით ან მისი თანხმობის გარეშე შეიძლება მოხდეს.

ასეთი სიახლე “პოლიციის შესახებ“ კანონში დაგეგმილი ცვლილებებით შემოდის, რომელიც პარლამენტში განხილვის პროცესშია.

მომზადებული პროექტის გათვალისწინებით, პოლიციელის გადაყვანა თანაბარ, ტოლფას თანამდებობაზე დასაშვები იქნება ერთი წლის ვადით, რომელიც საჭიროების შემთხვევაში, შესაძლებელია დამატებით ერთი წლით გაგრძელდეს.

ამასთან, ვადის ამოწურვის შემდეგ ან შესაბამისი სამსახურებრივი საჭიროების აღმოფხვრის შემთხვევაში, პოლიციელი გადაყვანამდე დაკავებულ თანამდებობას დაუბრუნდება, ხოლო თუ აღნიშნული შეუძლებელი აღმოჩნდება, შესაბამის ტოლფას თანამდებობაზე დაინიშნება.

იმ შემთხვევაში თუ პოლიციელი შეთავაზებულ თანამდებობაზე უარს განაცხადებს, იგი დაკავებული თანამდებობიდან გათავისუფლდება.

როგორც პროექტის განმარტებით ბარათში ვკითხულობთ, თბილისსა და საქართველოს სხვადასხვა რეგიონებში პოლიციელების რაოდენობა განსხვავებული და არათანაბარია. პროექტის ინიციატორთა ინფორმაციით, ერთ რეგიონში შესაძლოა დასაქმებული იყოს პოლიციელთა საკმაოდ დიდი რაოდენობა, მაშინ როდესაც მეორე რეგიონში პოლიციელთა რაოდენობის დეფიციტი იქმნება.

“რიგ შემთხვევებში, შინაგან საქმეთა სამინისტროსთვის შესაძლოა რთული აღმოჩნდეს საქართველოს ცალკეულ ტერიტორიაზე სათანადო კვალიფიკაციისა და უნარ-ჩვევების მქონე კადრების მოძიება.

გარდა ამისა, დღეს მოქმედი საკანონმდებლო რეგულაციების თანახმად, პოლიციელების რაოდენობის გაზრდა შესაძლებელია მხოლოდ კონკურსის წესით შესაბამისი კადრების აყვანით, რაც საკმაოდ რთული და ხანგრძლივი პროცესია, მაშინ როდესაც ცალკეულ რეგიონში არსებული მდგომარეობა შესაძლოა გადაუდებლად საჭიროებდეს სამართალდამცავთა მობილიზებას.

საქართველოს ყველა ქალაქსა თუ რეგიონში სამუშაო ძალის დაბალანსებულად გადანაწილების და რეგიონებში შესაბამისი გამოცდილების მქონე კადრების მობილიზების მიზნით, შესაძლებელი უნდა იყოს პოლიციელების თანაბარ თანამდებობაზე გადაყვანა, მათ შორის ტერიტორიულად სხვა ადგილას. აღნიშნული შეიძლება გულისხმობდეს სამსახურებრივი მივლენისგან განსხვავებული წესების შესაბამისად პოლიციელის სამუშაო ადგილის გარკვეული დროით შეცვლას“, - ვკითხულობთ პროექტის განმარტებით ბარათში.

“პოლიციის შესახებ“ კანონში ცვლილებების ინიციატორები არიან მმართველი გუნდის დეპუტატები: - ანრი ოხანაშვილი, ალუდა ღუდუშაური, დავით მათიკაშვილი, გურამ მაჭარაშვილი, რატი იონათამიშვილი, ალექსანდრე ტაბატაძე და მიხეილ სარჯველაძე.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა