ნიკოლოზ ვაშაკიძე ვილნიუსში კონფერენციაში „აღმოსავლეთ პარტნიორობა და უსაფრთხოების ახალი წესრიგი - ევროპა საფრთხის ქვეშ“ მონაწილეობს
პარტია „ევროპელი დემოკრატების“ პოლიტიკური საბჭოს თავმჯდომარე ნიკოლოზ ვაშაკიძე ვილნიუსში კონფერენციაში „აღმოსავლეთ პარტნიორობა და უსაფრთხოების ახალი წესრიგი - ევროპა საფრთხის ქვეშ“ მონაწილეობს.
„ევროპელი დემოკრატების“ ინფორმაციით, კონფერენციაზე დისკუსია უკრაინაში მიმდინარე ომის კონტექსტში მსოფლიოში და ევროპაში შექმნილ უსაფრთხოების გამოწვევებზე და მათ შესაძლო განვითარებაზე გაიმართა.
მათივე ცნობით, ნიკოლოზ ვაშაკიძემ ხედვა აღმოსავლეთ პარტნიორობის და უსაფრთხოების ახალი წესრიგის შესახებ წარადგინა, რასაც კონფერენციის მონაწილეთა შორის დიდი ინტერესი და გამოხმაურება მოჰყვა.
კონფერენცია იარლ ჰალმარსონის ფონდის ორგანიზებით ტარდება, რომელიც შვედეთის ლიბერალ-კონსერვატიულ, მოდერნისტების პარტიას წარმოადგენს. კონფერენციის თანაორგანიზატორია ვილფრიდ მარტენსის ცენტრი, რომელსაც ევროპის სახალხო პარტიის პრეზიდენტი ვილფრიდ მარტენსი ხელმძღვანელობს.
კონფერენცია ვილნიუსში 1-3 მაისს იმართება.
