დავით სააკაშვილი - ხვალ შევუერთდებით აქციას ბათუმში, მოვივლით სამეგრელოს, იმერეთს და დავბრუნდებით თბილისში მასშტაბური აქციით, რათა გადავარჩინოთ მიშას სიცოცხლე - ეს არის დასაწყისი
საქართველოს მთავრობის ადმინისტრაციასთან საქართველოს მესამე პრეზიდენტის, მიხეილ სააკაშვილის მხარდამჭერი აქცია დასრულდა.
აქციის ბოლოს სამომავლო გეგმა მონაწილეებს მიხეილ სააკაშვილის ძმამ, დავით სააკაშვილმა გააცნო.
როგორც დავით სააკაშვილი აცხადებს, 6 მაისს მიხეილ სააკაშვილის ოჯახი ბათუმში დაგეგმილ აქციას შეუერთდება, შემდეგ სამეგრელოსა და იმერეთს ჩავლენ, ხოლო ბოლოს თბილისში მასშტაბურ აქციას გამართავენ.
"ხვალ შევუერთდებით ბათუმში დაგეგმილ აქციას. მოვივლით სამეგრელოს. მერე მოვივლით იმერეთს და შემდეგ დავბრუნდებით თბილისში უკვე დიდი მასშტაბური აქციით, რათა გადავარჩინოთ მიშას სიცოცხლე. ჩვენ სხვა გზა არ დაგვრჩენია, იმის გარდა, რომ გავერთიანდეთ ყველა და გადავარჩინოთ ქართველი ერი. ეს არის დასაწყისი", - განაცხადა დავით სააკაშვილმა.
