ცოტნე ანანიძე - მთავარია, ვინ არჩია ამომრჩეველმა და არა ის, არჩეულის უფლებამოსილებას ვინ ცნობს - საკრებულომ უნდა იმუშაოს, რადგან ეს ბათუმს სჭირდება
დემოკრატიულობის ხარისხს ამომრჩევლის არჩევანი განსაზღვრავს. მთავარია, ვინ არჩია ამომრჩეველმა და არა ის, არჩეულის უფლებამოსილებას ვინ ცნობს. საკრებულომ უნდა იმუშაოს, რადგან ეს ბათუმის გამოწვევებს სჭირდება,- ამის შესახებ აჭარის უმაღლესი საბჭოს ადამიანის უფლებათა დაცვის საკითხთა კომიტეტის თავმჯდომარემ, ცოტნე ანანიძემ რამაზ ჯინჭარაძის უფლებამოსილების ცნობასთან დაკავშირებით განაცხადა.
უმაღლესი საბჭოს წევრის განმარტებით, ბათუმში თვითმმართველობის შუალედური არჩევნების შედეგი ოპოზიციისთვის ნათელი პასუხი იყო.
„რამაზ ჯინჭარაძემ დიდი უპირატესობით გაიმარჯვა და საკრებულოს მისი სახით ღირსეული წევრი შეემატა. ბათუმელები ახლა საკრებულოს სრული დატვირთვით ამოქმედებას ელოდებიან, არ შეიძლება მისი მუშაობა შეჩერდეს, ვინაიდან თუნდაც მცირედი შეფერხება სოციალურ და ჯანდაცვის, კულტურულ თუ სხვა პროგრამებზე აისახება. მათი განხორციელება ქალაქისა და მისი მცხოვრებლებისათვის სასიცოცხლოდ მნიშვნელოვანია,“ - განაცხადა ცოტნე ანანიძემ.
ინფორმაციას აჭარის უმაღლესი საბჭო ავრცელებს.
v-if="article.gallery" v-html="article.gallery"
