აშშ-ის პრეზიდენტი ჯო ბაიდენი, 8 მაისს, „დიდი შვიდეულის“ ფორუმის ფარგლებში, უკრაინის პრეზიდენტ ვოლოდიმირ ზელენსკისა და მის „დიდი შვიდეულის“ ქვეყნების კოლეგებს შეხვდება. ამის შესახებ ინფორმაციას ეროვნული უშიშროების საბჭოს წარმომადგენელი ავრცელებს.
„კვირას დილით, პრეზიდენტი ბაიდენი „დიდი შვიდეულის” ქვეყნების ლიდერთა ვირტუალურ შეხვედრაში მიიღებს მონაწილეობას, რომელსაც გერმანიის კანცლერი ოლაფ შოლცი ხელმძღვანელობს. ლიდერებს უკრაინის პრეზიდენტი ზელენსკი შეუერთდება. ისინი უკრაინის წინააღმდეგ რუსეთის ომის უახლეს მოვლენებსა და მის გლობალურ მნიშვნელობას განიხილავენ, უკრაინისა და უკრაინის მომავლის მიმართ მხარდაჭერას გამოხატავენ”, - განაცხადა ეროვნული უშიშროების საბჭოს წარმომადგენელმა.
მათივე ინფორმაციით, დღის წესრიგში ასევე რუსეთის წინააღმდეგ სანქციების საკითხიც იქნება.