ვოლოდიმირ ზელენსკის განცხადებით, რუსეთმა 500 000-ზე მეტი უკრაინელი აიძულა, რუსეთში წასულიყვნენ
უკრაინაში რუსეთის მიერ ომის დაწყების დღიდან, 500 000-ზე მეტი უკრაინელი რუსეთში გადაასახლეს. ამის შესახებ უკრაინის პრეზიდენტმა ვოლოდიმირ ზელენსკიმ დღეს, ისლანდიის პარლამენტში სიტყვით გამოსვლისას განაცხადა.
„მათ აიძულეს, რომ იქ წასულიყვნენ. მათ საბუთები და საკომუნიკაციო საშუალებები ჩამორთმეული აქვთ, აგზავნიან უცხო ქვეყნის რეგიონებში, რათა იქ მათი ასიმილაცია მოახდინონ“, - განაცხადა ზელენსკიმ.
ზელენსკიმ ხაზგასმით აღნიშნა, რომ დეპორტირებული უკრაინელების რაოდენობა ისლანდიის მთლიან მოსახლეობასაც კი აჭარბებს.
