ვოლოდიმირ ზელენსკი - ვმუშაობთ დიპლომატიური საშუალებებით „აზოვსტალში“ მყოფი ჩვენი სამხედროების გადარჩენისთვის - გავლენიანი შუამავლები და სახელმწიფოები ჩართული არიან

უკრაინის პრეზიდენტის, ვოლოდიმირ ზელენსკის განცხადებით, დიპლომატიური საშუალებებით მიმდინარეობს მუშაობა, რათა „აზოვსტალში" დარჩენილი ჯარისკაცების გამოყვანა მოხდეს. ამის შესახებ ზელენსკიმ ვიდეომიმართვაში განაცხადა.

„ჩვენ, გაეროსა და „წითელი ჯვრის“ საერთაშორისო კომიტეტის შუამავლობით, მარიუპოლიდან, „აზოვსტალიდან" ევაკუაციის მისიას ვაგრძელებთ. დღის განმავლობაში ჩვენმა გუნდმა 40-ზე მეტი მშვიდობიანი მოქალაქის - ქალებისა და ბავშვების გადარჩენა დააორგანიზა. ვიმედოვნებთ, რომ მალე ისინი ორთვიანი დაბომბვების შემდეგ, უსაფრთხო ადგილას ჩავლენ.

ჩვენ ასევე ვმუშაობთ დიპლომატიური საშუალებებით ჩვენი სამხედროების გადარჩენისთვის, რომლებიც ჯერ კიდევ "აზოვსტალში" რჩებიან. გავლენიანი შუამავლები და სახელმწიფოები ჩართული არიან", - განაცხადა ზელენსკიმ.

ამასთან, ზელენსკიმ მოსახლეობას მოუწოდა, განსაკუთრებით მომდევნო დღეების განმავლობაში, დაბომბვის მაუწყებელი სიგნალები არ უგულებელყონ.

„რუსეთის ჯარებმა ჩვენი ტერიტორიის დაბომბვა განაგრძეს, საჰაერო და სარაკეტო დარტყმების ჩათვლით. ყველა ჩვენს მოქალაქეს ვთხოვ, განსაკუთრებით ამ დღეებში, საჰაერო დაბომბვის მანიშნებელი სიგნალის იგნორირება არ მოახდინონ. გთხოვთ, ეს თქვენი სიცოცხლეა, ეს თქვენი შვილების სიცოცხლეა. ასევე მკაცრად დაიცავით საზოგადოებრივი წესრიგისა და ,,კომენდანტის საათის" წესები ქალაქებსა და დასახლებებში“, - განაცხადა ზელენსკიმ.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე