პრეზიდენტ ბაიდენის მიერ გამოცხადებული უკრაინისთვის განკუთვნილი აშშ-ის სამხედრო დახმარების უახლესი პაკეტი 150 მილიონი აშშ დოლარის ღირებულებისაა, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
„150 მილიონი აშშ დოლარის ღირებულების დამატებითი იარაღის, აღჭურვილობისა და მარაგის უკრიანისთვის გამოყოფის ნებართვა გავეცი, რათა გაძლიერდეს მისი თავდაცვა აღმოსავლეთში რუსეთის თავდასხმის დასაპირისპირებლად“, - აღნიშნა ბლინკენმა.
მისი თქმით, დახმარების უახლესი ტრანში მოიცავს 25 000 155 მმ-იან საარტილერიო ტყვიას, ასევე არტილერიის საწინააღმდეგო რადარებს, სხვადასხვა აღჭურვილობას და სათადარიგო ნაწილებს მოიცავს.
ბლინკენმა განმარტა, რომ აშშ-ის უახლესი 150 მილიონიანი პაკეტით ვაშინგტონის სამხედრო დახმარებამ, რუსეთის უკრაინაში შეჭრის დროიდან, საერთო ჯამში, დაახლოებით 3.8 მილიარდ აშშ დოლარს მიაწია.