„წითელი ჯვრის“ წარმომადგენელი - იცით სურათები მარიუპოლიდან: ასეთი აპოკალიფსური სცენარები შეიძლება სხვა ქალაქებსაც დაემუქროს  - ვერ ვხედავ საფუძველს ვიმედოვნებდე, რომ ეს კონფლიქტი მალე დასრულდება

„წითელი ჯვრის საერთაშორისო კომიტეტის“ განცხადებით, იმედი აქვთ, რომ ალყაში მოქცეული ქალაქ მარიუპოლის „აზოვსტალის“ ქარხნიდან კიდევ უფრო მეტი მშვიდობიანი მოქალაქეების ევაკუაციას შეძლებენ.

„წითელი ჯვრის საერთაშორისო კომიტეტის“ ოპერაციების დირექტორმა დომინიკ სტილჰარტმა შვეიცარიულ გაზეთ Neue Zürcher Zeitung-თან ინტერვიუში განაცხადა, რომ „უკიდურესად იმედგაცრუებული“ იყო, რომ კვირების განმავლობაში შრომატევადი მუშაობა დასჭირდა რუსეთისა და უკრაინის ხელისუფლებასთან შეთანხმების მიღწევას და ქალაქიდან ევაკუაციის ლოგისტიკური დეტალების ორგანიზებას.

„იცით სურათები მარიუპოლიდან: ასეთი აპოკალიფსური სცენარები შეიძლება დაემუქროს სხვა ქალაქებსაც, როგორიცაა ზაპოროჟიე, კრამატორსკი ან ოდესა. კონფლიქტის მხარეებთან საუბრისას ჩვენ გამოვხატავთ ჩვენს შეშფოთებას ამ ტიპის ომთან დაკავშირებით. სამწუხაროდ, ვერ ვხედავ საფუძველს ვიმედოვნებდე, რომ ეს კონფლიქტი მალე დასრულდება“, - აღნიშნა „წითელი ჯვრის საერთაშორისო კომიტეტის“ ოპერაციების დირექტორმა.

შეგახსენებთ, „წითელი ჯვარი“ და გაერო „აზოვსტალის“ ქარხნიდან მშვიდობიანი მოქალაქეების გამოსაყვანად მუშაობენ. ტერიტორიაზე უკრაინელ მებრძოლებთან ერთად დაახლოებით 200 მშვიდობიანი მოქალაქე იმყოფება. უკრაინამ განაცხადა, რომ პარასკევს 50 მშვიდობიანი მოქალაქის ევაკუაცია განხორციელდა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს