დიდი ბრიტანეთი უკრაინას დამატებით 1,6 მილიარდი დოლარის ოდენობის სამხედრო მხარდაჭერას გაუწევს, - ამის შესახებ გაერთიანებული სამეფოს სახაზინო უწყების განცხადებაშია ნათქვამი.

აღნიშნული განცხადება დღეს დაგეგმილი დიდი შვიდეულის ვირტუალური სამიტის წინ გაკეთდა, რომელშიც მონაწილეობას უკრაინის პრეზიდენტი ვოლოდიმირ ზელენსკიც მიიღებს.

სახაზინო უწყების თქმით, აღნიშნული თანხა ერაყისა და ავღანეთის შემდეგ, კონფლიქტზე დიდი ბრიტანეთის სამხედრო დანახარჯების ყველაზე მაღალი მაჩვენებელია.

შეგახსენებთ, გასულ კვირას, დიდი ბრიტანეთის პრემიერ-მინისტრი ბორის ჯონსონი უკრაინას 370 მილიონი ამერიკული დოლარის ღირებულების სამხედრო დახმარებას დაჰპირდა.