უკრაინის პრეზიდენტმა ვოლოდიმირ ზელენსკიმ ხორვატიის პრემიერ-მინისტრთან, ანდრეი პლენკოვიჩთან საუბრის შემდეგ ჟურნალისტებთან განაცხადა, რომ უკრაინას სურს მოკავშირეებისგან არა მხოლოდ საბჭოთა იარაღის ნიმუშები, არამედ თანამედროვე სამხედრო ტექნიკა, იარაღი და ტექნოლოგია მიიღოს.

,,იარაღი უნდა იყოს მძლავრი და თანამედროვე, არა მხოლოდ საბჭოთა, თუმცა ყველაფრისთვის მადლობელი ვართ. გვჭირდება ტექნოლოგია, გვჭირდება ცოდნა, გვსურს ეს გამოცდილება მივიღოთ”, - განაცხადა ზელენსკიმ.

ვოლოდიმირ ზელენსკიმ აღნიშნა, რომ უკრაინამ სარაკეტო ტექნოლოგიების სფეროში წარმატება აჩვენა და მზად არის, გამოცდილების გაზიარებისთვის. იგი ამავე დროს, სხვა სფეროებში ევროპულ თანამედროვე ტექნოლოგიებზე წვდომით არის დაინტერესებული.

,,ჯერჯერობით ჩვენ არ გვაქვს ისეთივე ხელმისაწვდომობა, როგორიც ყველა ევროპულ ან ნატო-ს წევრ ქვეყანას აქვს. ჯერ არ გვაქვს ასეთი შესაძლებლობები, მაგრამ ვფიქრობ, მათ მივიღებთ”, - აღნიშნა ზელენსკიმ.