უკრაინის უმაღლესი რადას ადამიანის უფლებათა რწმუნებულის ლუდმილა დენისოვას განცხადებით, მარიუპოლში მსხვერპლთა რაოდენობამ, შესაძლოა, 20 000-ს გადააჭარბოს. Ukrinform-ის ცნობით, ამის შესახებ დენისოვამ „ტელეგრამში“ განაცხადა.

„თითო დანგრეული სახლის ქვეშ ათობით მშვიდობიანი მოსახლის ცხედარია ნაპოვნი. შესაბამისად, არსებობს საფუძვლიანი ეჭვი, რომ მარიუპოლში ადამიანური ზარალის ოფიციალური მონაცემები 20 000-ზე მეტი იქნება", - ხაზგასმით აღნიშნა დენისოვამ.

დენისოვას თქმით, რუსეთის ქმედებები მარიუპოლში არის გენოციდი უკრაინელი ხალხის წინააღმდეგ.

მან მოუწოდა გაეროს, გაითვალისწინონ გენოციდის აღნიშნული ფაქტები.