შავ ზღვაში, უკრაინის სანაპიროსთან, მტერმა 6 ხომალდი და 2 წყალქვეშა ნავი განათავსა, - ამის შესახებ „სამხრეთის“ ოპერატიული სარდლობა იტყობინება.

მათივე ინფორმაციით, ყველა მათგანი მზადყოფნაშია სარაკეტო დარტყმის განხორციელებისთვის და აღჭურვილი არიან 50-ზე მეტი ფრთოსანი რაკეტით.

„ნუ შეუქმნით საკუთარ თავს საფრთხეს, მიჰყევით საჰაერო თავდასხმის განგაშის ალგორითმს, არ მიუახლოვდეთ საეჭვო ობიექტებს და შეზღუდულ ტერიტორიებს სანაპიროსა და სასაზღვრო ზონებში, ენდეთ მხოლოდ ინფორმაციის ოფიციალურ სანდო წყაროებს“, - ნათქვამია ოპერატიული სარდლობის განცხადებაში.