ევროპული საბჭოს პრეზიდენტს უკრაინის ქალაქ ოდესაში ვიზიტისას საჰაერო იერიშის გამო თავშესაფარში გადასვლა მოუხდა. ამის შესახებ ინფორმაციას BBC-ი ავრცელებს.
უკრაინის პრემიერ-მინისტრთან დენის შმიგალთან შეხვედრისას მხარეებს მოლაპარაკების შეწყვეტა და თავშესაფარში გადასვლა მოუხდათ.
როგორც ცნობილია შარლ მიშელი ქალაქ ოდესაში ევროპის დღის აღსანიშნავად და იმის სანახავად ჩავიდა თუ რა გავლენა მოახდინა რუსეთის აგრესიამ მომარაგების გლობალურ ჯაჭვზე.
მას უკრაინის საზღვაო ფლოტის მეთაურმა მიაწოდა ინფორმაცია ზღვიდან გასროლილი რუსული რაკეტების მიერ მიყენებული ზიანის შესახებ და შარლ მიშელმა ასევე საკუთარი თვალით ნახა განადგურებული საცხოვრებელი სახლები და ომის გავლენა სამოქალაქო პირებზე.
როგორც ცნობილია, პრემირ შმიგალთან გამართული დისკუსია, რომელსაც უკრაინის პრეზიდენტი ვოლოდიმირ ზელენსკი კიევიდან ვიდეო ლინკით შეუერთდა, ფოკუსირებული იყო იმაზე, როგორ შეუძლია ევროკავშირს გააგრძელოს უკრაინის მხარდაჭერა - ჰუმანიტარულ, ეკონომიკურ და სამხედრო გამოწვევებთან გამკლავება.