ურსულა ფონ დერ ლაიენი უკრაინელებს - ევროპის მომავალი, თქვენი მომავალიც არის - დიდება უკრაინას, დღეგრძელი იყოს ევროპა

ევროპა ოცნებაა, ოცნება, რომელიც ყოველთვის იყო - ოცნება, რომელიც ტრაგედიიდან აღმოცენდა,- ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა.

მისი თქმით, უკრაინა საერთო ევროპული მომავლის ნაწილია და ევროპის ისტორიის ახალ გვერდს ახლა სწორედ ის წერს.

„დღეს ოცნება მკვეთრად კაშკაშებს, არა მხოლოდ აქ ისტორიულ ადგილას, არამედ ადამიანების გულებსა და გონებაში კიევში, ხარკოვში, ოდესასა და პოლტავაში, მარიუპოლსა და მიკოლაევში. ის კაშკაშებს იმ ოჯახებისა და ახალგაზრდების სიმხნევისთვის, რომლებიც ბუნკერებს აფარებენ თავს მეტროსადგურებსა და სარდაფებში, ვინც გლოვობს, უაზრო, უგულო სიმხეცეს ჩადენილს ბუჩასა და ირპენში და ზოგადად უკრაინის ყველა სოფელსა და ქალაქში, რომელსაც ომისგან ზიანი მიადგა. და ის კაშკაშებს ყველა იმ ახალგაზრდა უკრაინელის თვალებში, ვინც თავშესაფარი ევროპაში იპოვა - სახლი სახლიდან მოშორებით.

ამ ადამიანებს, ახალგაზრდებსა და ზრდასრულებს სურთ იბრძოლონ და დაიხოცონ მათი მომავლისთვის და ევროპული ოცნებისთვის. ოცნებისთვის, რომელიც ყოველთვის იყო და ოცნება, რომელიც ყოველთვის უნდა იყოს.

მსურს ჩემი გამოსვლა შემდეგი გზავნილით დავასრულო ჩვენი უკრაინელი მეგობრებისა და ოჯახისთვის. ევროპის მომავალი, ასევე, თქვენი მომავალიც არის. 72 წლის წინ ომი ევროპაში რაღაც სხვით ჩანაცვლდა, რაღაც ახლით. პირველად საზოგადოებით, შემდეგ კი კავშირით. ეს იყო დღე, როდესაც მომავალი დაიწყო. ეს არის მომავალი, რომლის წერაც მას შემდეგ დავიწყეთ, როგორც ევროპის არქიტექტორებმა და მშენებლებმა. და შემდეგი გვერდი ახლა თქვენ მიერ იწერება, ჩვენ მიერ, ყველა ჩვენგანის მიერ ერთად.

დიდება უკრაინას. დღეგრძელი იყოს ევროპა“, - განაცხადა ფონ დერ ლაიენმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას