მარიუპოლში ოკუპანტები მსხვილ ქიმიურ თავდასხმას ამზადებენ. ამის შესახებ ინფორმაციას მარიუპოლის საქალაქო საბჭოს დეპუტატი ალექსანდ ლაშინი „ფეისბუქის“ გვერდზე გავრცელებულ მიმართვაში აცხადებს.
ლაშინის თქმით, მის ხელთ არსებული ცნობით, რუსი სამხედროები ქიმიური იარაღის გამოყენებას 11 მაისს გეგმავენ.
„ადამიანები მარიუპოლიდან კავშირზე გამოვიდნენ და ახლახანს ჩემთვის გახდა ცნობილი იმის შესახებ, რომ 11 რიცხვში მზადდება დიდი ქიმიური თავდასხმა „აზოვსტალზე“ და მარიუპოლში ადგილობრივ მოსახლეობას აფრთხილებენ, რომ ხვალინდელი დღიდან გარეთ აღარ გამოვიდნენ. ჩვენი ბიჭები, ჩვენი გმირები უნდათ რომ რამენაირად გამოიყვანონ „აზოვსტალიდან“,- განაცხადა დეპუტატმა.