ბუნდესტაგის სპიკერმა ბერბელ ბასმა კიევში ვიზიტის შემდეგ განაცხადა, რომ უკრაინის ევროკავშირში გაწევრიანების პროცესის დაჩქარებას მხარი დაუჭირა. ამის შესახებ გერმანიის პარლამენტის თავმჯდომარემ ZDF-ის ეთერში განაცხადა.

მან პროცედურის დაჩქარებისკენ მოუწოდა, „რათა შესაძლებელი გახდეს წევრობისთვის პერსპექტივის მიცემა“.

„ეს ძალიან ძალიან მნიშვნელოვანია უკრაინისთვის: რომ მათ მიიღონ საგზაო რუკა, გრაფიკი“, - განაცხადა ბასმა.

მისი თქმით, საგზაო რუკა შესაძლებელს გახდის იმის გაგებას, როდის დააკმაყოფილებს უკრაინა წევრობის კრიტერიუმებს.

„იმედი მაქვს, რომ ამას ათეულობით წელი არ დასჭირდება. ოპტიმისტურად ვარ განწყობილი და იქიდან გამომდინარე, რომ ჩვენ ყველას გვსურს, რომ უკრაინა ევროკავშირში მიიღონ, ყველაფერი დაჩქარებული იქნება“,- განაცხადა ბუნდესტაგის სპიკერმა.