ჩერნიგოვის რეგიონზე თავდასხმა მოხდა

ჩერნიგოვის რეგიონული სამხედრო ადმინისტრაციის ხელმძღვანელის, ვიაჩესლავ ჩაუსის ინფორმაციით, 11 მაისს, უკრაინაში, ჩერნიგოვის რეგიონს რუსეთის ტერიტორიიდან ნაღმმტყორცნებით ცეცხლი გაუხსნეს. ამის შესახებ ინფორმაციას უკრაინული მედია ავრცელებს.

მათივე ინფორმაციით, ვიაჩესლავ ჩაუსი მოსახლეობას სიფრთხილისკენ მოუწოდებს.

„სულ რაღაც ერთი საათის წინ, 06:00 საათზე, მოსკოვის ნაძირლების ტერიტორიიდან ნაღმმტყორცნებით მორიგი თავდასხმა განხორციელდა. მტერი მუდმივად აკეთებს ამას. ამიტომ დიდი თხოვნა მაქვს, განსაკუთრებით საზღვრისპირა რეგიონების მცხოვრებლებთან, გთხოვთ, იყოთ ფრთხილად“, - განაცხადა ჩაუსმა.

ამასთან, მან მოსახლეობა სარაკეტო დარტმის შესახებ გააფრთხილა და სთხოვა, რომ საჰაერო თავდასხმის გამაფრთხილებელი სიგნალი არ უგულებელყონ.