გასული დღე-ღამის განმავლობაში, რუსულმა ძალებმა „აზოვსტალის“ ფოლადის ქარხანაზე 38 ავიაიერიში განახორციელეს. ამის შესახებ ინფორმაციას უკრაინული მედია ავრცელებს.
აზოვის პოლკის ინფორმაციით, რუსული ძალები „აზოვსტალის“ ტერიტორიაზე ყოველდღიურ თავდასხმებს ახორციელებენ.
„გასული 24 საათის განმავლობაში „აზოვსტალის“ ქარხნის ტერიტორიაზე, რომელსაც მარიუპოლის მცველები იცავენ, 38 თავდასხმა განხორციელდა, მათ შორის 4 იერიში სტრატეგიული ბომბდამშენის მიერ. მტერი არ წყვეტს უკრაინის ციხე-სიმაგრის აღების მცდელობას და ქვეითი ჯარის მხარდაჭერით ყოველდღიურ თავდასხმებს ახორციელებს“, - ნათქვამია „აზოვის“ პოლკის მიერ „ტელეგრამში“ გავრცელებულ განცხადებაში.