რუსეთმა უკრაინიდან და ე.წ. დონეცკისა და ლუგანსკის თვითგამოცხადებული რესპუბლიკებიდან მოქალაქეების მისაღებად კიდევ ცხრა დროებითი განსახლების ცენტრი გახსნა, - ინფორმაციას რუსული მედია ავრცელებს.

მათივე ცნობით, რუსეთის 53 რეგიონში 523 დროებითი განსახლების ცენტრი ფუნქციონირებს, სადაც 34 140 ადამიანი, მათ შორის 11 790 ბავშვი, არის განთავსებული.

როსტოვის ოლქში, რომელიც უკრაინელებისთვის რუსეთში "შესასვლელი მთავარი კარიბჭეა" 66 ცენტრი მოქმედებს.

შეგახსენებთ, უკრაინის ხელისუფლებაში აცხადებენ, რომ რუსეთი იძულებით ასახლებს ადამიანებს მარიუპოლიდან და დონბასის სხვა რაიონებიდან, რაც ომის დანაშაულია.