უკრაინის ვიცე-პრემიერმა განაცხადა, რომ "აზოვსტალიდან" მძიმედ დაჭრილების ევაკუაციაზე რთული მოლაპარაკებები მიმდინარეობს

უკრაინის ვიცე-პრემიერმა, ირინა ვერეშუკმა განაცხადა, რომ რუსი ტყვეების სანაცვლოდ, მარიუპოლის ალყაში მოქცეული ,,აზოვსტალის" ფოლადის ქარხნიდან მძიმედ დაჭრილი მებრძოლების ევაკუაციის თაობაზე ,,ძალიან რთული მოლაპარაკებები" მიმდინარეობს. ამის შესახებ ინფორმაციას CNN-ი ავრცელებს.

,,გასაგებად რომ ვთქვათ: ამჟამად მოლაპარაკებებს ვაწარმოებთ მხოლოდ 38 მძიმედ დაჭრილ (საწოლს მიჯაჭვულ) მებრძოლზე, ეტაპობრივად ვმუშაობთ. გავცვლით 38-ს, შემდეგ გავაგრძელებთ. ამჟამად, 500 ან 600 ადამიანის გაცვლაზე საუბარი არ არის, რასაც ზოგიერთი მედიასაშუალება ავრცელებს", - განაცხადა ვერეშუკმა.

მათივე ინფორმაციით, ვერეშუკმა გამოთქვა თხოვნა, რომ ამ პროცესის შესახებ სპეკულირება შეწყვიტონ.

,,გთხოვთ, ეს ადამიანების სიცოცხლეს ეხება. თავი შეიკავეთ საჯარო კომენტარებისგან იმის შესახებ, რაც არ იცით", - დასძინა ვერეშუკმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს