რუსეთმა 13 მაისს გაეროს უშიშროების საბჭოს სხდომის გამართვა მოითხოვა. რუსული მედიის ინფორმაციით, აღნიშნული უკრაინაში ამერიკის ლაბორატორიების სამხედრო ბიოლოგიურ პროგრამებს უკავშირდება.

როგორც გაეროში რუსეთის მუდმივი წარმომადგენლის მოადგილემ დიმიტრი პოლიანსკიმ განაცხადა, რუსეთი ახალ მტკიცებულებებს წარადგენს.

„ჩვენ მოვითხოვეთ გაეროს უშიშროების საბჭოს ღია სხდომის გამართვა, რათა წარმოვადგინოთ ახალი მტკიცებულებები სამხედრო ბიოლოგიურ პროგრამებზე, რომლებიც ტარდება ამერიკის ლაბორატორიებში უკრაინაში. სხდომა ნიო-იორკის დროით, 10:00 საათზე გაიმართება“, - წერს პოლიანსკი „ტელეგრამ არხზე“.