უკრაინის საგარეო საქმეთა მინისტრი დმიტრო კულება გაეროს ადამიანის უფლებათა საბჭოს მიერ რეზოლუციის მიღებას ,,ტვიტერის" გვერდზე ეხმაურება.
კულებას თქმით, უკრაინის ტერიტორიაზე დანაშაულების ჩამდენი პირები დაისჯებიან.
,,მივესალმები გაეროს ადამიანის უფლებათა საბჭოს რეზოლუციის მიღებას, რომელიც აძლიერებს რუსეთის ომის დანაშაულების გამოძიებას ახლახან გათავისუფლებულ უკრაინის ტერიტორიებსა და მარიუპოლში. ამ ბარბაროსული დანაშაულის ჩამდენი პირები დაისჯებიან", - წერს კულება.
შეგახსენებთ, გაეროს ადამიანის უფლებათა საბჭომ საგანგებო სხდომაზე დღეს, რუსეთის მიერ, უკრაინის ტერიტორიაზე ჩადენილი სავარაუდო დანაშაულების გამოძიების შესახებ რეზოლუცია მიიღო.