ლიზ ტრასი - რუსეთის წინააღმდეგ საერთაშორისო სანქციები მას შემდეგ უნდა მოიხსნას, რაც მთელი მისი ჯარი უკრაინას დატოვებს - პუტინი საკუთარ თავს მსოფლიოს მასშტაბით ამცირებს

რუსეთის წინააღმდეგ საერთაშორისო სანქციები მხოლოდ მას შემდეგ უნდა მოიხსნას, რაც მთელი მისი ჯარი უკრაინას დატოვებს, - ამის შესახებ გაერთიანებული სამეფოს საგარეო საქმეთა მდივანმა ლიზ ტრასმა განაცხადა.

როგორც მან გერმანიაში მიმდინარე „დიდი შვიდეულის“ ფორმატში საგარეო საქმეთა მინისტრების სამიტზე აღნიშნა, რუსეთის პრეზიდენტმა ვლადიმერ პუტინმა უკრაინაში მარცხი უნდა განიცადოს, რათა მისი შემდგომი აგრესიის პრევენცია მოხდეს. ამის შესახებ ინფორმაციას BBC ავრცელებს.

„პუტინი საკუთარ თავს მსოფლიოს მასშტაბით ამცირებს“,- განაცხადა ლიზ ტრასმა და აღნიშნა, რომ პუტინს უკრაინაში შეჭრისგან არავითარი სარგებელი არ უნდა ჰქონდეს.

მან კოლეგებს მოუწოდა, გაიზარდოს უკრაინისთვის ნატოს სამხედრო აღჭურვილობაზე წვდომა.

„დიდი შვიდეულის“ საგარეო საქმეთა მინისტრები ერთმანეთს კიდევ ერთხელ დღეს შეხვდებიან თავის მოლდოველ და უკრაინელ კოლეგებთან ერთად.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა