ირაკლი ყანდაშვილი აზერბაიჯანის მედიაციის საბჭოს თავმჯდომარეს შეხვდა
„საქართველოს მედიატორთა ასოციაციის“ თავმჯდომარეს ირაკლი ყანდაშვილსა და აზერბაიჯანის მედიაციის საბჭოს თავმჯდომარეს ნადირ ადილოვს შორის გაცნობითი სამუშაო შეხვედრა გაიმართა.
„საქართველოს მედიატორთა ასოციაციის“ ინფორმაციით, შეხვედრაზე მხარეებმა როგორც საქართველოსა და აზერბაიჯანში არსებული მედიაციის პროცესების და პერსპექტივების, ისე დავის რეგულირების ახალი მექანიზმის არსებული გამოწვევების და საჭიროებების შესახებ ისაუბრეს.
„საქართველოს მედიატორთა ასოციაციის“ თავმჯდომარემ ირაკლი ყანდაშვილმა შეხვედრაზე აღნიშნა მოკლე პერიოდში დანერგილი სიახლეების და რეფორმების კონკრეტული შედეგები, რაც მიზნად ისახავს მედიაციის პოპულარიზაციის გაზრდას და კიდევ უფრო სწრაფი და სანდო მართლმსაჯულების ხელმისაწვდომობის უზრუნველყოფას საქართველოში.
„საქართველოს მედიატორთა ასოციაციის“ თავმჯდომარის, ირაკლი ყანდაშვილის განცხადებით, ასოციაცია განსაკუთრებულ მნიშვნელობას ანიჭებს საერთაშორისო მასშტაბით სხვადასხვა ქვეყნებთან მჭიდრო თანამშრომლობას მედიაციის სფეროში და გამოთქვამს მზადყოფნას აზერბაიჯანის მედიაციის საბჭოსთან შემდგომი ერთობლივი თანამშრომლობისთვის“,- ნათქვამია „მედიატორთა ასოციაციის“ მიერ გავრცელებულ ინფორმაციაში.
v-if="article.gallery" v-html="article.gallery"
