უკრაინის ყოფილი პრეზიდენტები მსოფლიო ლიდერებს „აზოვსტალში“ მყოფების სიცოცხლის გადარჩენაში დახმარებას სთხოვენ

უკრაინის მეორე, მესამე და მეხუთე პრეზიდენტებმა: ლეონიდ კუჩმამ, ვიქტორ იუშჩენკომ და პეტრო პოროშენკომ მსოფლიო ლიდერებს მარიუპოლის „აზოვსტალის“ ქარხნის ტერიტორიიდან სამოქალაქო და სამხედრო პირების სიცოცხლის გადარჩენაში დახმარების თხოვნით მიმართეს.

„მივმართავთ მსოფლიოს ქვეყნების ლიდერებს ევროკავშირის წევრ ქვეყნებში, ამერიკის შეერთებულ შტატებში, კანადაში, ჩინეთში, თურქეთსა და სხვა ქვეყნებში, ასევე გაერო-ში, დაეხმარონ უკრაინის ხელისუფლებას სამოქალაქო და სამხედრო უკრაინელების სიცოცხლის გადარჩენაში, რომელთა განადგურებას რუსეთი, პუტინის ბრძანებით, ბარბაროსული მეთოდებით ცდილობს „აზოვსტალის“ ქარხნის ტერიტორიაზე,”- ნათქვამია მიმართვაში.

ექსპრეზიდენტების განცხადებით, „რაშისტების“ ასეთი შემაძრწუნებელი სისასტიკე ყოველგვარ სამხედრო მნიშვნელობას მოკლებულია.

„ქალაქი მარიუპოლი თითქმის მთლიანად გაანადგურა რუსეთის არმიამ, რომელიც ახლა ცდილობს თავისი დანაშაულის კვალი დამალოს.

ქალაქის უკრაინელი ჯარისკაც-დამცველების არაჩვეულებრივმა გამბედაობამ და გმირობამ არა მარტო უკრაინა, არამედ მთელი მსოფლიო გააოცა. „აზოვის“ ბატალიონი, ჩვენი საზღვაო ქვეითები, ჩვენი მესაზღვრეები უკვე შევიდნენ ისტორიაში, რადგან მათი სამხედრო წარმატება უპრეცედენტოა. ესენი არიან ჩვენი ეროვნული გმირები, თავგანწირული, მამაცი, პატრიოტები. მაგრამ ახლა უკვე საუბარი აღარ არის თანასწორ თუ უთანასწორო ბრძოლაზე. მთელი მსოფლიოს თვალწინ ხდება რუსების სისხლიანი შურისძიების და რეპრესიების მცდელობა მათ წინააღმდეგ, ვინც, მიუხედავად იმისა, რომ ალყაში იყვნენ, დაამარცხეს ისინი სულისა და ნებისყოფის ძალით.

მოგიწოდებთ თითოეულ თქვენგანს შეუერთდეთ გმირი უკრაინელების სიცოცხლის გადარჩენას. ათობით მილიონი უკრაინელი იმედით გიყურებთ და ცივილიზებული მსოფლიოს ყველა ხალხი მადლიერებით დაგიკრავთ ტაშს თქვენი წარმატებული შუამავლობისთვის,” - აღნიშნულია განცხადებაში.

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
არჩილ მორჩილაძე - კარგი იქნება, თუ სახელმწიფო, ჯანმრთელობის ხარისხის საერთაშორისო საზოგადოების ISQua-ს მიერ აკრედიტებული სტანდარტების შესაბამისად განაახლებს დღეს არსებულ სანებართვო პირობებსა და რეგულაციებს
ჰიუნდაი ავტო საქართველოს შეთავაზება ბესტსელერ მოდელებზე გრძელდება
ლიბერთის Mastercard ბარათით გადახდისას, „ზოდიში“ ყველაზე მაღალი ქეშბექი ბრუნდება
საქართველოსა და რეგიონში პირველად, „სელფის“ 5G ქსელი უკვე დეკემბერში იქნება ხელმისაწვდომი
„მისო ევროკრედიტმა“ საინაუგურაციო ობლიგაციები გამოუშვა
ბელგიის სამეფოში საქართველოს ახალგაზრდა ელჩის, ალექსანდრე ქიზიყურაშვილის ინიციატივით მოკლემეტრაჟიანი დოკუმენტური ფილმი გადაიღეს