იაკოვ განძიუკის სახელობის 59-ე ცალკეული მოტორიზებული ქვეითი ბრიგადის არტილერისტებმა მტრის ტექნიკა გაანადგურეს, - ინფორმაციას უკრაინული მედია ავრცელებს.

მათივე ცნობით, რუსი ოკუპანტების კოლონაზე თავდასხმის ვიდეო ბრიგადის ფეისბუქის გვერდზე გამოქვეყნდა.

„რუსული კოლონა დანიშნულების ადგილამდე ვერ მივიდა. ისევ დააბინძურეს ჩვენი ნაყოფიერი მინდვრები თავისი ჯართით. ვერანაირად ვერ პოულობენ სახლის გზას. ამიტომ, ჩვენები აჩვენებენ მათ ერთადერთ სწორ მიმართულებას - რუსული გემის მიმართულებას,“ - აცხადებენ ბრიგადაში.