ჩვენ ვაგრძელებთ იმპერიული მეგალომანიის მკურნალობას და ვაიძულებთ მოსკოვს რეალობა გაიაზროს, - ამის შესახებ უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა „ტვიტერზე“ განაცხადა.

მისი თქმით, აქამდე კრემლი დედაქალაქ კიევის, ხარკოვისა და ოდესის აღებაზე ოცნებობდა, ახლა კი მხოლოდ ლუგანსკის რეგიონშია კონცენტრირებული, ძალების ნაკლებობის გამო.

„კრემლი ოცნებობდა კიევის, ხარკოვისა და ოდესის აღებაზე, შემდეგ, სულ მცირე, დონეცკისა და ლუგანსკის რეგიონების აღებაზე. ახლა რუსული ჯარები ლუგანსკის რეგიონში არიან კონცენტრირებული, ძალების ნაკლებობის გამო. ჩვენ ვაგრძელებთ იმპერიული მეგალომანიის მკურნალობას და ვაიძულებთ მოსკოვს რეალობა გაიაზროს“,- განაცხადა პოდოლიაკმა.