საგარეო საქმეთა და უსაფრთხოების საკითხებში ევროკავშირის უმაღლესმა წარმომადგენელმა ჯოზეფ ბორელმა განაცხადა, რომ ბლოკის საგარეო საქმეთა მინისტრების შეხვედრის დროს, ევროკავშირის ლიდერებმა რუსული ნავთობის აკრძალვის თაობაზე ერთიანობას ვერ მიაღწიეს. ამის შესახებ ინფორმაციას CNN-ი ავრცელებს.
ბრიუსელში გამართულ პრესკონფერენციაზე საუბრისას ბორელმა განაცხადა, რომ "სამწუხაროდ", შეუძლებელი იყო რუსეთის წინააღმდეგ სანქციების მე-6 პაკეტზე შეთანხმების მიღწევა და ჟურნალისტებს განუცხადა: "ჩვენ იგივე სირთულეები გვაქვს ნავთობის აკრძალვის შესახებ ერთსულოვნებასთან დაკავშირებით".
"დღეს, შეთანხმების მოპოვების მცდელობა არც კი იყო დღის წესრიგში, რადგან ვიცოდით, რომ ეს შეუძლებელი იყო, მაგრამ ჩვენ გვქონდა ძალიან კონსტრუქციული დისკუცია იმ მიზეზების შესახებ, რის გამოც ზოგიერთი წევრი ქვეყანა თავს იკავებს, არა მხოლოდ ნავთობის აკრძალვის, არამედ სანქციების პაკეტის სხვა ელემენტების შესახებ", - დასძინა ბორელმა.