აშშ-ს სახელმწიფო დეპარტამენტი ქმნის ახალ პროგრამას, რომელიც რუსეთის მიერ ჩადენილი სამხედრო დანაშაულების მტკიცებულებების დოკუმენტირებასა და ანალიზს გულისხმობს
ამერიკის შეერთებული შტატების სახელმწიფო დეპარტამენტი ახალ პროგრამას იწყებს, რაც უკრაინაში რუსეთის მიერ ჩადენილი ომის დანაშაულებისა და სხვა სისასტიკეების შესახებ მტკიცებულებების დოკუმენტირებასა და ანალიზისს გულისხმობს.
„კონფლიქტის ობსერვატორიის“ პროგრამის ფარგლებში, სახელმწიფო დეპარტამენტი სატელიტურ სურათებსა და სოციალურ მედაში გავრცელებულ ინფორმაციას შეაგროვებს, რათა რუსეთს ომის დანაშაულებზე პასუხისმგებლობა დააკისროს.
სახელმწიფო დეპარტამენტი შექმნის ონლაინ პლატფორმასაც, რომელიც საჯაროდ გააზიარებს შეგროვებულ ინფორმაციას.
ეს შეერთებულ შტატებს რუსეთის მთავრობის მხრიდან დეზინფორმაციის ნებისმიერი მცდელობის უკუგდებაში დაეხმარება.
