რუსულმა ძალებმა დღეს დილით, ქალაქ დნიპროზე 2 სარაკეტო დარტყმა განახორციელეს, რის შედეგადაც ერთი ქალი დაშავდა. ასევე, განადგურდა სატრანსპორტო ინფრასტრუქტურის ობიექტი. ამის შესახებ ინფორმაციას უკრაინული მედია ავრცელებს.
„საგანგაშო ღამე და მოუსვენარი დილა. მტრის თავდასხმა დნიპროზე. ჩვენი საჰაერო თავდაცვის დანაყოფებმა ერთი რაკეტა ჩამოაგდეს. ნამსხვრევები კერძო ეზოში ჩამოვარდა. ქალი დაშავდა“, - წერს დნეპროპეტროვსკის რეგიონული ადმინისტრაციის ხელმძღვანელი ვალენტინ რეზნიჩენკო „ტელეგრამში“.
მათივე ინფორმაციით, რაკეტის ჩამოვარდნამ ორი სახლი დააზიანა, ხოლო ერთი რაკეტა სატრანსპორტო ინფრასტრუქტურის ობიექტს მოხვდა, რის შედეგადაც განადგურდა.
