შეერთებული შტატების სახელმწიფო მდივანის ენტონი ბლინკენის განცხადებით, მისი ქვეყანა უკრაინას დამატებით 215 მილიონი დოლარის ოდენობის ახალ გადაუდებელ სასურსათო დახმარებას გაუწევს. ინფორმაციას CNN-ი აქვეყნებს.
„დღეს, კრიზისის გადაუდებლობის გათვალისწინებით, ჩვენ კიდევ 215 მილიონი ამერიკული დოლარის ოდენობის ახალ გადაუდებელ სასურსათო დახმარებას ვაცხადებთ და კიდევ უფრო მეტს გავაკეთებთ. მოველით, რომ ჩვენი კონგრესი ძალიან მალე, ჰუმანიტარული დახმარებისა და სურსათის უსაფრთხოებისთვის, დაახლოებით 5,5 მილიარდი ამერიკული დოლარის ოდენობის დამატებით დაფინანსებას დაამტკიცებს“, - აღნიშნა ბლინკენმა გაეროში გლობალური სასურსათო უსაფრთხოების მინისტერიალის დროს.
აშშ-ის სახელმწიფო მდივანმა იმ ქვეყნებს, რომლებსაც სასუქი და მარცვლეული აქვთ და ასევე უკრაინის ომის გამო გლობალურ დეფიციტს განიცდიან, მოუწოდა ამ მზარდ კრიზისს სწრაფად დაეხმარონ.