უკრაინის ავიაციამ მოწინააღმდეგის ტექნიკას დაარტყა, განადგურდა 20-მდე საბრძოლო ჯავშანმანქანა, მტრის ცოცხალი ძალა და საბრძოლო მასალა, - ინფორმაციას უკრაინული მედია შეიარაღებული ძალების საჰაერო ძალების სარდლობაზე დაყრდნობით ავრცელებს.
„18 მაისს, საჰაერო ძალების გამანადგურებელი თვითმფრინავები თავს დაესხნენ მტრის ტექნიკას. წინასწარი მონაცემებით, განადგურდა 20-მდე ჯავშანტექნიკა, მტრის ცოცხალი ძალა და საბრძოლო მასალა“, - ნათქვამია მოხსენებაში.
გარდა ამისა, დნეპროპეტროვსკის ოლქში საზენიტო-სარაკეტო ძალების ნაწილებმა გაანადგურეს ფრთოსანი რაკეტა, ხოლო ხარკოვის ოლქში - „სუ-34“ ტიპის ბომბდამშენი.
„მონაცემები მიუთითებს, რომ რუსული თვითმფრინავის ძრავას ცეცხლი გაუჩნდა და მფრინავებმა კატაპულტირება განახორციელეს“, - აცხადებენ სარდლობაში.