კურსკის ოლქის გუბერნატორის, რომან სტაროვოიტის მტკიცებით, უკრაინულმა ძალებმა რუსული სოფელი ტიოტკინო დაბომბეს, რასაც მშვიდობიანი მოქალაქე ემსხვერპლა.
გუბერნატორი „ტელეგრამზე“ წერს, რომ ჭურვები ალკოჰოლის ქარხანასა და რამდენიმე სხვა შენობას მოხვდა.
„მტრის მორიგი თავდასხმა ტიოტკინოზე, რომელიც გამთენიისას მოხდა, სამწუხაროდ ტრაგედიით დასრულდა. ამ დროისთვის ცნობილია სულ მცირე ერთი მშვიდობიანი მოქალაქის დაღუპვის შესახებ“, - წერს რომან სტაროვოიტი.
მისი თქმით, თავდასხმის შედეგად რამდენიმე ადამიანი დაშავდა და მათ პირველადი დახმარება აღმოუჩინეს, დაზიანდა რამდენიმე სახლიც.
ცნობისათვის, სოფელი ტიოტკინო რუსეთ-უკრაინის საზღვართან ახლოს მდებარეობს.