რუსულმა ძალებმა ჟიტომირში სარაკეტო თავდასხმა განახორციელეს, დაზიანდა 100-მდე სახლი
რუსულმა ძალებმა ჟიტომირის ოლქის ქალაქ მალინზე სარაკეტო შეტევა განახორციელეს, რის შედეგადაც ინფრასტრუქტურული ობიექტი და 100-მდე სახლი დაზიანდა, - ამის შესახებ მალინის მერმა, ალექსანდრე სიტაილომ ვიდეომიმართვაში განაცხადა.
„რუსეთის ფედერაციამ კიდევ ერთხელ განახორციელა სარაკეტო შეტევა ჩვენს ტერიტორიაზე. დაზიანდა ინფრასტრუქტურის ობიექტი და 100-მდე სახლი. ღვთის წყალობით, მშვიდობიან მოსახლეობაში მსხვერპლი არ არის, მაგრამ არის სამი დაჭრილი“, - განაცხადა სიტაილომ.
მისივე თქმით, შემთხვევის ადგილზე მაშველები და საგამოძიებო ჯგუფი მუშაობს.
