ხარკოვის ოლქის ქალაქ ლოზოვაიაში სარაკეტო თავდასხმის შედეგად, სულ მცირე შვიდი ადამიანი დაშავდა, მათ შორის ერთი ბავშვი. ამის შესახებ ინფორმაციას უკრაინული მედია ავრცელებს.

"ხარკოვის რეგიონში, ლოზოვაიაზე სარაკეტო თავდასხმის შედეგად, სულ მცირე შვიდი ადამიანი, მათ შორის, 11 წლის ბავშვი დაშავდა", - განაცხადა ადგილობრივი სასწრაფო სამედიცინო ცენტრის ხელმძღვანელმა ვიქტორ ზაბაშტამ.

მედიის ინფორმაციით, დადასტურებულია, რომ რაკეტა ერთ-ერთ შენობას ადგილობრივი დროით, დაახლოებით 15:00 საათზე მოხვდა. საგანგებო სიტუაციების სამსახურში განაცხადეს, რომ ჯგუფი ხანძრის ჩაქრობასა და ნანგრევების გაწმენდაზე მუშაობს.

ლოზოვაიას მერის, სერგეი ზელენსკის თქმით, სარაკეტო საფრთხე ძალაში რჩება.