„ვასრულებთ ბრიუსელში ვიზიტს, რომლის მთავარი მიზანი იყო საქართველოს მეგობრების დარწმუნება - მიანიჭონ ჩვენს ქვეყანას კანდიდატის სტატუსი, - ამის შესახებ პარტია „საქართველოსთვის“ ლიდერი გიორგი გახარია „ფეისბუქის“ გვერდზე წერს.

მისივე შეფასებით, ქართველი ხალხი, რომელმაც უამრავი ბრძოლა, ტკივილი და წარმატება გამოიარა, იმსახურებს ევროპული ოჯახის წევრობას.

„არანაირი მნიშვნელობა არ აქვს, ვინ მართავს დღეს საქართველოს, როგორ გვიყვარს, ან არ გვიყვარს ერთმანეთი. ყველანი ვალდებული ვართ, უზრუნველვყოთ საქართველოს ევროპული მომავალი. ამისთვის იბრძოდნენ ჩვენი წინაპრები და ამაზე ოცნებობენ ჩვენი შვილები!- წერს გიორგი გახარია.