იმის მიხედავად, რომ წალენჯიხის მერმა, გიორგი ხარჩილავამ, ვადები და პროცედურები დაარღვია, შესაბამის განკარგულებას გამოვცემთ ისე, რომ წალენჯიხის მოსახლეობას მიეცემა საშუალება ყველა სახელმწიფო პროგრამით ისარგებლონ, - ასე უპასაუხა პრემიერ-მინისტრმა ირაკლი ღარიბაშვილმა, ჟურნალისტის მიერ დასმულ კითხვას იმასთან დაკავშირებით, რომ წალენჯიხის მერიამ საკრებულოს დადგენილ ვადებში ვერ წარუდგინა პროგრამა და მოსახლეობა დარჩა სახელმწიფო მხარდამჭერი პროგრამების გარეშე.
ღარიბაშვილის განცხადებით, პრობლემა თვის ბოლოს მოგვარდება.
„წინასაარჩევნო პროგრამის დროს, როდესაც რეგიონებში დავდიოდი, მაშინ ჩემს ერთ-ერთ გამოსვლაში ვთქვი, რომ თუ აირჩევდნენ ოპოზიციის წარმომადგენელს ამ შემთხვევაში გამოჩნდებოდა, რომ ისინი არასწორ გადაწყვეტილებას მიიღებდნენ. გამოჩნდა, ფაქტი სახეზეა. მე როგორც მოვისმინე, წალენჯიხის მერმა დააგვინა და ამით რეალურად, წალენჯიხის მოსახლეობას არ მიეცა საშუალება ისარგებლონ სახელმწიფო პროგრამებით. იმის მიხედავად, რომ წალენჯიხის მერმა ვადები და პროცედურები დაარღვია ჩვენ შესაბამის განკარგულებას გამოვცემთ ისე, რომ წალენჯიხის მოსახლეობას მიეცემა საშუალება ყველა ამ პროგრამით ისარგებლონ და ამას თვის ბოლოს მოვაგვარებთ“,- განაცხადა ღარიბაშვილმა.