უკრაინის პრეზიდენტის ვოლოდიმირ ზელენსკის განცხადებით, სახელმწიფო თავის პორტებზე ბლოკადის მოხსნის სხვადასხვა გზას განიხილავს. ერთ-ერთი მათგანი სამხედრო გზაა და ამისთვის მან უკვე მოითხოვა შესაბამისი შეიარაღება. აღნიშნული განცხადება ქვეყნის პირველმა პირმა პრეს-კონფერენციაზე განაცხადა.

„22 მილიონი ტონა ტვირთი დღეს ბლოკირებულია, რუსები კი გამუდმებით იპარავენ და სადღაც გააქვთ ის. უნდა მოხდეს ამ გზებზე ბლოკადის მოხსნა, იმიტომ, რომ მსოფლიოში კრიზისი იქნება. გზებზე ბლოკადის მოხსნა სხვადასხვა საშუალებით შეიძლება. ერთ-ერთი გზა - სამხედროა. ამიტომ ჩვენ ასეთი მოთხოვნით შესაბამის შეიარაღებასთან დაკავშირებით მივმართავთ პარტნიორებს“,- განაცხადა ზელენსკიმ.