უკრაინის მოლაპარაკებები რუსეთის ფედერაციასთან შეჩერებულია იქამდე, ვიდრე რუსეთი ვითარებას ობიექტურად არ შეხედავს,- ამის შესახებ უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა.
მისი თქმით, რუსეთმა ჯერ კიდევ ვერ გააცნობიერა, რომ ის უკვე 85 დღეა იბრძვის უკრაინის და არა ნატოს წინააღმდეგ.
„ეს მათ ხელს უშლის ადეკვატურად აღიქვან მოლაპარაკებების პროცესიც. ეს როგორც ადამიანურ ურთიერთობებშია, თუ მხარეები არ განიცდიან ინტერესს, ვერ ხედავენ განხილვის ურთიერთწერტილებს, მათთვის ურთიერთობა საინტერესო არ იქნება. ზუსტად ასეა მოლაპარაკებების პროცესშიც. არ არის სასაუბრო თემა, არ არსებობს გადამკვეთი წერტილები. ძნელია მოსმენა, როდესაც მუდმივად გეუბნებიან „თქვენ იქ ნაცისტები გყავთ“,- განაცხადა პოდოლიაკმა.
ამასთან, როგორც პოდოლიაკმა აღნიშნა, მოლაპარაკებები მნიშვნელოვანი ინსტრუმენტია ომის მიმდინარეობისას, თუმცა ეს ის სივრცეა, სადაც მხარეები პირველ რიგში ადეკვატურად აღიქვამენ საუთარ თავს და ადეკვატურად აღიქვამენ საბრძოლო მოქმედებების მიმდინარეობას.