უკრაინის სამხედრო ძალების უახლესი ანგარიშის მიხედვით, რუსული ჯარები ცდილობენ უკრაინული ძალების თავდაცვის ხაზები ­გაარღვიონ და აღმოსავლეთ ლუგანსკის ადმინისტრაციულ საზღვრებს მიაღწიონ. ამის შესახებ ინფორმაცია მედიაში ვრცელდება.

უკრაინის შეიარაღებული ძალების გენერალური შტაბის განცხადებით, რუსების ძალისხმევა ქალაქ სევეროდონეცკისკენ არის მიმართული.

მათივე თქმით, რუსულმა მხარემ თვითმფრინავების გამოყენება გააძლიერა, რათა აქტიური საბრძოლო მოქმედებების ზონაში უკრაინის ინფრასტრუქტურა გაანადგუროს. ამასთან, ანგარიშის მიხედვით, უკრაინულმა ძალებმა აღმოსავლეთში ბოლო 24 საათის განმავლობაში რუსეთის 11 თავდასხმა მოიგერიეს.