11 წლის გოგონა, რომელიც ლუგანსკში რუსული ძალების მიერ განხორციელებული დაბომბვისას დაშავდა, საავადმყოფოში გარდაიცვალა

ლუგანსკის ოლქის ქალაქ დნიპროს საავადმყოფოში 11 წლის გოგონა გარდაიცვალა, რომელიც მაისის დასაწყისში, პრივოლიეში რუსული ძალების მიერ განხორციელებული დაბომბვის დროს დაშავდა, - ამის შესახებ ლუგანსკის ოლქის სამხედრო ადმინისტრაციის ხელმძღვანელი, სერჰი გაიდაი „ტელეგრამში“ იუწყება.

„დნიპროს რეანიმაციულ განყოფილებაში გარდაიცვალა ბავშვი პრივოლიედან, რომელიც ორი კვირის წინ დაბომბეს. 7 მაისს მტერმა პრივოლიეში საარტილერიო ცეცხლი გახსნა. 11 წლის გოგონა სასწრაფოდ გადაიყვანეს დნეპროპეტროვსკის ბავშვთა საავადმყოფოში, სადაც რეგიონის საუკეთესო ექიმები იბრძოდნენ ორი კვირის განმავლობაში. სამწუხაროდ, 22 მაისს მას გული გაუჩერდა“, - წერს გაიდაი.