ჯანმო - უკრაინაში ჯანდაცვის დაწესებულებებზე 248 თავდასხმა განხორციელდა, დაღუპულია 75 ადამიანი
ჯანდაცვის მსოფლიო ორგანიზაციის განცხადებით, უკრაინაში ომის დაწყების შემდეგ, ჯანდაცვის დაწესებულებებზე კიდევ 30 თავდასხმა დაფიქსირდა.
„23 მაისის მდგომარეობით, უკრაინაში ჯანდაცვის დაწესებულებებზე 248 თავდასხმა დადასტურდა. თავდასხმებს 75 ადამიანის სიცოცხლე ემსხვერპლა, დაშავდა 59 ადამიანი. ჯანდაცვის დაწესებულებები არასოდეს უნდა იყოს სამიზნე,“ - ნათქვამია ორგანიზაციის განცხადებაში.
