ლუგანსკის რეგიონული სამხედრო ადმინისტრაციის ხელმძღვანელი სერგეი გაიდაი სევეროდონეცკის რეგიონში არსებული ვითარების შესახებ ინფორმაციას „ტელეგრამში“ ავრცელებს.
გაიდაის თქმით, რუსულმა ძალებმა რამდენიმე შენობა დააზიანეს.
„რუსებმა ცენტრალური ბაზრის 5 მაღალსართულიანი შენობა და სავაჭრო უბანი დააზიანეს, დაჭრილია მამაკაცი. 22 მაისს, მტრის 11 შეტევა მოიგერიეს, 6 ტანკი, 10 ერთეული ჯავშანტექნიკა და 6 ერთეული ავტომობილი განადგურდა. საჰაერო თავდაცვის ნაწილებმა მტრის 1 უპილოტო საფრენი აპარატი Orlan-10 და Su-25 ჩამოაგდეს“, - წერს გაიდაი.
შეგახსენებთ, უკრაინის თავდაცვის სამინისტროს გენერალური შტაბის უკანასკნელი ანგარიშის მიხედვით, რუსულმა ძალებმა აქცენტი სევეროდონეცკის რეგიონზე გადაიტანეს.
