კოლუმბიის თავდაცვის მინისტრმა დიეგო მოლანომ განაცხადა, რომ მისი ქვეყნის ჯარისკაცების გუნდი ევროპაში გაემგზავრება, რათა უკრაინელი სამხედროები განაღმვის ტექნიკაში მოამზადონ.
ინფორმაციას დასავლური მედია ავრცელებს.
კოლუმბიელი ექსპერტები უკრაინელი ჯარისკაცების გასაწვრთნელად შეერთებული შტატების მიერ არიან მიწვეულნი.
„ამ წვრთნას 11 სამხედრო ინჟინერი ჩაატარებს, რომლებიც უკრაინის მეზობელად მყოფ ნატოს წევრ ქვეყანაში გაემგზავრებიან“ , - განაცხადა მოლანომ.
ცნობისთვის, კოლუმბია ნატო-ს პარტნიორი ქვეყანაა.