რუსული ძალები ქალაქ ლიმანზე სრული კონტროლისთვის იბრძვიან და მათ უკვე დაიკავეს მისი ნახევარი - ამის შესახებ რუსეთის მიერ მხარდაჭერილი დონეცკის სეპარატისტული რეგიონის თვითგამოცხადებულმა ლიდერმა დენის პუშლინმა განაცხადა. ინფორმაციას სააგენტო „ფრანს-პრესი“ ავრცელებს.

„კრასნი ლიმანიც მალე განთავისუფლებული დასახლება იქნება. შემდეგ სვიატოგორსკს გავათავისუფლებთ და მერე სლავიანსკს“, - აღნიშნა პუშილინმა.

ცნობისთვის, უკრაინის არმიამ დღეს განაცხადა, რომ რუსი ოკუპანტები დონეცკის ოლქში მდებარე ქალაქ სვიტლოდარსკს აკონტროლებენ.