სუმის რეგიონული სამხედრო ადმინისტრაციის ხელმძღვანელის, დმიტრო ჟივიცკის ინფორმაციით, რუსულმა ძალებმა სუმის რეგიონში კრასნოპილიას დასახლებაზე სარაკეტო თავდასხმა განახორციელეს, რის შედეგად სახლები და ელექტროგადამცემი ხაზები დაზიანდა. ამის შესახებ ინფორმაციას უკრაინული მედია ავრცელებს.
„ღამით, დაახლოებით 01:00 საათზე, მტერმა რუსეთის ტერიტორიიდან კრასნოპილიას რაკეტები ესროლა“, - ნათქვამია განცხადებაში.
ჟივიცკიმ აღნიშნა, რომ დასახლებაში დაახლოებით 20 სახლი და ელექტროგადამცემი ხაზები დაზიანდა. მისი თქმით, სოფლის მოსახლეობის ნახევარი ელექტროენერგიის გარეშე დარჩა.
წინასწარი ინფორმაციით, თავდასხმის შედეგად მსხვერპლი არ არის.