კრამატორსკის მერის, ალექსანდრე გონჩარენკოს ინფორმაციით, რუსულმა შეიარაღებულმა ძალებმა დონეცკის ოლქის ქალაქ კრამატორსკის საცხოვრებელ უბნებსა და კერძო შენობებზე სარაკეტო თავდასხმა განახორციელეს. ამის შესახებ ინფორმაციას უკრაინული მედია ავრცელებს.
„შემაშფოთებელი ღამე კრამატორსკში, საჰაერო თავდასხმა საცხოვრებელ უბნებსა და კერძო სახლებზე. მსხვერპლი არ არის“, - წერს გონჩარენკო.
გონჩარენკომ მცხოვრებლებს მოუწოდა, რომელთაც ქალაქი დატოვეს და უსაფრთხო ადგილას იმყოფებიან, ახლა კრამატორსკში არ დაბრუნდნენ.
გავრცელებული ინფორმაციით, რუსული ქვედანაყოფები ამჟამად სლოვიანსკის მიმართულებით შეტევის განახლებისთვის ემზადებიან. მედიის ინფორმაციით, კრამატორსკი სლოვიანსკიდან 18 კილომეტრის მოშორებით მდებარეობს და საფრთხის ქვეშ არის.